САД донираа автоматски пушки на АРМ во вредност од 1.2 милиони долари

Share on facebook
Facebook
Share on twitter
Twitter
Share on email
Email
Share on print
Print

САД донираа 1269 автоматски пушки М-4, во вредност од 1,2 милион американски долари на нашата Армија, за поддршка на развојот на лесната пешадиска баталјонска група.

Примопредавањето се изврши во касарната во Ѓорче Петров, а на истото присуствуваа министерката за одбрана Радмила Шекеринска и американската амбасадорка Кејт Брнз.

„Со овој дел опрема, обезбедуваме над 1200 М-4 автоматски пушки, со калибар 5.56, кој е стандард на земјите членки на НАТО и ја продолжува нашата конверзија од стариот во новиот стандард. Со оваа опрема дополнително, освен специјалните сили, коишто и досега добија пушки од овој тип, ќе обезбв целосно опремување на нашата лесна пешадија, која не е само македонска единица, туку е веќе и НАТО-единица и која ја подготвуваме за првото НАТО-оценување во 2022 година“, рече Шекеринска, посочувајќи дека ова е дел од опремата што ја добиваме, а вкупниот број на вакви автоматски пушки е над две илјади, дополнително со обзбедена заштитна опрема за војниците.

Американската амбасадорка Кејт Мари Брнз изјави дека со оваа донација се докажува ширината на американската соработка и дека САД ќе продолжат да бидат стратешки партнер во активностите за модернизирање на македонската Армија.

„Ова е уште еден пример како работиме заедно за да бидеме сигурни дека нашите сили кога заедно ќе се борат и кога заедно ќе обучуваат ќе бидат интероперативни, а овие пушки ќе ја зајакнат интероперативноста не само со САД, туку и со другите сили на НАТО. Ова ќе биде многу важно и многу влијателно за понатамошните активности. Ова е уште еден доказ на нашата долготрајна одбранбена соработка што беше уште повеќе зајакната со поштпишувањето на Меморандумот за разбирање минатата недела, но ова е и доказ за обврската на вашата земја за модернизирање на македонската армија. Ова е заложба вашата Армија да биде не само подготвена и активна, како најнова сојузничка во НАТО, туку да биде и добро позиционирана да придонесува заедно со нашите сили“,рече Брнз.

Оваа донација преставува дел од проект кој треба да заврши до 2022 година, а тој опфаќа и дополнителна воена опрема како пушкомитралези, фрлачи на гранати, како и придружни и заштитни елементи корисни за војниците.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи