Поднесена кривична пријава за нелегално насипување земја и шут на брегот и во Охридското езеро

Share on facebook
Facebook
Share on twitter
Twitter
Share on email
Email
Share on print
Print

 

Државниот инспекторат за животна средина (ДИЖС) утврдил дека на површина од 964 квадратни метри на брегот на Охридското Езеро, но и во самото езеро бил фрлен градежен шут на потегот помеѓу хотел „Далјан“ и Домот за стари лица кој е во изградба.

Според Инспекторатот во соработка со МВР сторителот веќе е пронајден и против него е поднесена соодветна кривична пријава.

„Со цел санирање на крајбрежјето, Инспекторатот поднесе и Информација за влијанието на нелегалното насипување на земја и шут на брегот на езерото во населба Далјан и за итно враќање на крајбрежјето во првобитна состојба. Имајќи го предвид мислењето на Хидробиолошки завод од Охрид дека ‘нелегалното насипување на земја и шут на брегот од Охридското Езеро во населба Далјан има негативно влијание врз Охридското Езеро, особено врз квалитетот на водата и седиментот, врз живиот свет во езерото, неговиот биодиверзитет, оплитувањето и други негативни последици на овој значаен акватичен екосистем’ очекуваме Владата да ги задолжи Министерството за транспорт и врски и Општина Охрид да го отстранат насипот и да го санираат крајбрежјето“, стои во соопштението на ДИЖС.

Тие се децидни дека уништувањето на природното наследство е недозволиво и виновниците мора да сносат одговорност.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи