Петкоски: СДСМ продолжува да ги деградира здравствените работници, здравството во Прилеп пред колапс

 

Нашите укажувања станаа вистина. Прилепската болница во време на пандемија од ковид вирусот доби нов В.Д. директор, екс пратеничката Кети Смилеска. Кога Прилеп руши несакани рекорди по број на заразени и на смртност, која е причината за смена на директорот? Дали пропустите во работата и лошото менаџирање се причина за овој чекор? запрашаа на денешната прес конференција портпаролот на ОК на ВМРО-ДПМНЕ Прилеп, Влатко Петкоски.

 

 

Прес конференцијата ја пренесуваме во целост.

 

„Во минатите неколку месеци бевме сведоци, како доктори и специјализанти, јавно укажуваат на селективната политика во делењето бонуси, платени дежурства и прекувремени саати, за сите оние кои се на првиот фронт во борба против коронавирусот.

Прашуваме дали е вистина дека прилепската болница пријавила само околу 80-тина здравствени работници кои работат во Ковид центрите,  и тоа по избор на стручниот колегиум и раководството, на кои им следува награда согласно одлука на Владата?

На ваков ли начин се покажува грижата за здравствените работници во ова време на пандемија? Зошто не се опфатени вработените во рентген одделението и лабораторијата, кои секојдневно се соочуваат во работата со огромен ризик по своето здравје?

СДСМ продолжува да ги деградира здравствените работници. Прашање е дали новиот кадар, екс пратеничката Кети Смилеска, која од една функција се преместува на друга, ќе успее да го менаџира урнатото здравство во Прилеп кое е пред колапс? Ваквиот начин на работа не е ништо друго освен деградирање  на здравствениот работник и апсолутна негрижа за неговите заложби.

За жал вакцини нема, а Владата постојано ги лаже граѓаните и ги остава на милост и немилост. Ќе дојде ден кога за ваквата негрижа ќе следува и одговорност! ВМРО ДПМНЕ знае и умее да менаџира и тоа ќе го покаже кога ќе дојде на власт“, истакна Петкоски.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи