Тајфата на својот јутјуб канал ја промовираше новата песна и видео запис за својот најнов производ „Љубов без крај“. Според нив целта на денешното објавување на истата е да им го честитаат празникот 8-ми Март на сите припаднички на понежниот пол и да им поклонат една убава балада на сите кои запливуваат во брачните води.
„Денес премиерно ја објавуваме нашата нова песна „Љубов без крај“, тема на која музиката ја напиша Владимир Богески, за текстот се погрижи Сара Пројковска додека аранжманот го напишаа Владимир Богески и Рубин Димкоски Димкоски во „R music studio“, а видеото го подготви Зоран Пилоски-Фан Продукција заедно со нашата „Tajfata production“. Токму овој ден го одбравме за промоција за со едно мало внимание една љубовна приказна да им подариме на припадничките на понежниот пол, барем толку сме должни на нашите фанови со оглед на ситоацијата во која се наоѓаме сите. Се надеваме на подобри времиња во поопуштена атмосфера како што ја памтат сите со нас Тајфата“, велат членовите Владимир Богески, Живко Чиртоски и Александар Тренчовски.
