Владата одлучи: Полициски час од утре од 22 до 05 часот

Share on facebook
Facebook
Share on twitter
Twitter
Share on email
Email
Share on print
Print

 

 

Владата ја прифати препораката на Главниот кризен штаб за воведување полициски час од 22 до 05 часот кој во сила ќе стапи од утре и ќе се спроведува до 22 март, а доколку бројките на болни продолжат да растат не е исклучено полициски час да биде воведен за цели викенди, соопшти премиерот Зоран Заев. Тој рече дека одлуката ќе има и превентивна функција, ќе се имаат предвид и претстојните празници, како рамазанските пости, па дали ќе има продолжување на мерката по 22 март, ќе зависи од препораките на Комисијата за заразни болести.

Заев oдговарајќи на новинарски прашања на прес-конференцијата во Владата, рече дека одлука има и за задолжителен карантин од 14 дена за секој граѓанин и патник кој доаѓа од африканскиот континент.

„Ако не паднат бројките, не е исклучено да се воведе полициски час во траење на цели викенди“, рече Заев.

Премиерот апелира максимално да се почитуваат одлуките и најави дека ќе има засилени полициски и инспекциски контроли бидејќи, како што нагласи, во земјата е дојдено до опуштање, има групирања на граѓани и непочитување на мерките за носење маски и држење дистанца. Премиерот упати порака до угостителите строго да ги почитуваат здравствените протоколи нагласувајќи дека ќе има засилени контроли.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи