Собранието работи без кворум – тројца пратеници отсутни поради корона вирус, не можат да се изгласаат серија закони

Share on facebook
Facebook
Share on twitter
Twitter
Share on email
Email
Share on print
Print

 

 

Двајца пратеници од владејачкото мнозинство се позитивни на корона вирусот, а уште 1 е со симптоми, па тие денес отсуствуваа од седницата, со што пропадна договорот меѓу пратениците денеска да гласаат серија на закони.

Ова го соопшти собранискиот спикер Талат Џафери, по што продолжува само расправата за предвидените точки од закажаните 7 седници за денеска.

Спикерот Џафери пред извесно време го повлече од дневен ред својот предлог за измени на Деловникот, со цел да се овозможи пратеници кои се позитивни или се во изолација поради ковид-19 да може да се вклучат онлајн во работата на парламентот.

Истовремено албанската опозиција со амандмани најави блокада на низа предлог закони, во знак на незадоволство од илјадниците амандмани од ВМРО ДПМНЕ и Левица за Законот за државјанство.

Според СДСМ, за излез од оваа ситуација треба пратеничките групи да најдат заедничко решение за да може собранието да продолжи со работа.

Од ВМРО ДПМНЕ и денеска повторија дека работата на опозицијата не е да прави кворум на власта, а проблемот во неодржување на пленарните седници е во самата владина коалиција.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи