Утрово најстудено со -2 степена беше на Попова Шапка, -1 Лазарополе, 1 Маврово, 2 Битола, Крушево, 4 Скопје-Петровец, Охрид, Претор, Пожаране, 5 Берово, Дебар, Тополчани, Пожар, 6 Кр.Паланка, Прилеп, 7 Струмица, 8 Тетово, 10 Штип, Гевгелија, Дојран, 11 Д.Капија.
Во текот на ноќта беше променливо облачно, а изутринава е облачно со врнежи од дожд во западните делови. Дуваше слаб до умерен ветер претежно од југоисточен правец, кој во Штип достигнуваше брзина до 40км/ч.
Облачно со врнежи од дожд, кои повремено ќе бидат поројни, на места проследени со ретки грмежи, а пообилни ќе бидат во северозападните и источните делови од земјава. Поради продор на студена воздушна маса, освен на планините врнежите ќе преминуваат во снег и на повисоките места.
Кон крајот на денот и во текот на ноќта појава на снег ќе има и на некои пониски места. Од пладне ќе дува засилен северен ветер (локално над 65 км/час), што ќе услови нагло намалување на дневните температури за 7 до 9 степени во споредба со вчерашните. Максималната температура ќе биде во интервал од 6 до 12 степени.
