Дигитализација во земјоделството – СЕГА!

Share on facebook
Facebook
Share on twitter
Twitter
Share on email
Email
Share on print
Print

 

Утре, на 17-ти март, 2021 година, Рурална Коалиција како дел од ИЦЕДА мрежата и организација која што ќе служи како локален центар за е-поддршка при користење на дигиталните услуги, ја организира првата презентација за нивото на дигитална писменост на локално ниво во новите простории на центарот за е-поддршка во Кичево.

На презентацијата и промоцијата на работењето на центарот предвидено е присуство на претставници од локалната самоуправа во Кичево, како и подрачните единици на Министерството за земјоделство, шумарство и водостопанство, Агенцијата за поттикнување на развојот во земјоделството, Управата за јавни приходи, како и останатите локални институции кои што делуваат на територијата на општина Кичево.

На средбата свое обраќање ќе имаат претставници од општина Кичево и подрачната единица на Министерството за земјоделство за степенот на користење на дигиталните услуги на локално ниво, а од страна на проектниот тим, во рамките на проектот Дигитализација во земјоделството – СЕГА! ќе бидат презентирани резултатите од истражувањето кое што беше реализирано во периодот јануари-февруари 2021 година во 5 плански региони во повеќе општини: Кичево, Врапчиште, Гостивар, Старо Нагоричане, Куманово, Струмица, Прилеп и Кривогаштани.

Имено, Рурална Коалициjа е една од трите организации од Северна Македониjа коjа што стана дел од мрежата ИЦЕДА и коjа што во наредниот период ќе работи на управување со граѓанскиот центар за поддршка на е-владеење преку коj што ќе им помогне на земjоделците и локалното население воопшто во користењето на е-услугите, но и зголемувањето на дигиталната писменост на локално ниво. Вакви активности освен во Северна Македониjа во рамките на мрежата ИЦЕДА ќе се спроведуваат и во Албаниjа, Косово, Црна Гора и Србиjа. За мрежата и активностите на истата може повеќе да прочитате на следниот ЛИНК.

Центарот за е-поддршка е сместен на улица 4-ти јули, бб, влез 1, Кичево (комплекс Ламели наспроти Адамс едукација) и истиот ќе биде отворен секој работен ден, а се со цел да ги доближи електронските услуги и Дигиталната агенда до локалното население. Локалната прес конференција ќе се одржи на 17-ти март 2021 година (среда) со почеток во 11:00 часот. За секоjа дополнителна информациjа може да се обратите на телефон: 078/303-819, Елизабета Ристеска-Мрческа.

Една од главните цели на проектот е зголемување на соработката со институциите на локално ниво, како и зголемување на довербата и сигурноста во електронската комуникација и користењето на е-услугите со што пак директно ќе придонесеме кон реализација на Дигиталната агенда на државата. За сите подетални активности и информации за проектот посетете ја нашата веб страница: www.rural.mk, како и на нашиот FB профил: https://www.facebook.com/RuralCoaliton  каде што ќе бидат објавувани сите новости поврзани со Дигиталната агенда и е-услугите, а за истите може да се информирате и во просториите на е-центарот.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи