20 лица се приведени во полициска станица по вчерашната тепачка во Струмица

Share on facebook
Facebook
Share on twitter
Twitter
Share on email
Email
Share on print
Print

 

 

Видеото што беше објавено на страницата „Струмица онлајн“ ја вознемири јавноста. На снимката се гледа како поголема група луѓе со палки и тупаници тепаат еден маж. Во инцидентот се повредени 2 лица, нанесени им се телесни повреди.

Пред снимената тепачка, претходела и друга пресметка која започнала уште во казиното, а која била иницирана поради тоа што еден од учесниците вознемирувал вработена во казиното, но и поради навреди на етничка база врз двајцата подоцна претепани жители на селото Баница.

Во моментов се прибираат и другите снимки од видео камерите за целосно да се расветли случајот.

20 лица се приведени во полициска станица, а меѓу повиканите за да даде исказ е и девојката која била вознемирувана.

Од СВР Струмица не сакаат да потврдат дали меѓу учесниците е и еден од членовите на обезбедувањето на премиерот Зоран Заев иако такви информации се проширија во дел од медиумите. Тој на фејсбук демантираше дека бил вмешан во инцидентот, а како што вели „попатно распрашувајќи се“ дознал дека нападнатите лица не биле само двајца, туку 20 -тина луѓе од село Баница, кои со дрвја, камења и ладно оружје ги нападнале вработените во казиното.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи