Собранискиот спикер, Талат Џафери одлучи дека нема да има нови седници на Собрание, се додека не оздрават пратениците кои имаат ковид и владејачкото мнозинство да комплетира кворум од 61 пратеник.
Ваквата одлука ја донесе Џафери кој ја откажа утрешната седница и ја одби понудата од ВМРО ДПМНЕ да се расправа само за економските закони, а не за сите 30 точки планирани од дневниот ред. Тој ја прекинал и понеделничката координација меѓу партиите со образложение дека нема да го крши деловникот, и ја обвинува ВМРО ДПМНЕ за злоупотреба на состојбата со ковид-позитивните пратеници па затоа предлагале, за него, неприфатливи ултиматуми за работа.
Џафери кажува дека не ги прифаќа барањата на опозициската ВМРО-ДПМНЕ да се гласа само за законите за помош на економијата. Од опозицијата пак обвинија дека блокадата е од СДСМ и ДУИ.
На откажаната седница меѓу другите точки беа предвидени и предлозите од ВМРО ДПМНЕ – за поништување на пописот, осврт на здравствената состојба во земјава, и интерпелациите на министрите Бојан Маричиќ и Љупчо Николовски.
