Бислимоски: Се разгледува опцијата за субвенции за електрична енергија преку ваучер за ранливите категории на граѓани

Share on facebook
Facebook
Share on twitter
Twitter
Share on email
Email
Share on print
Print

 

 

Една од опциите која се разгледува како можност за да се осигура дека парите кои граѓаните од ранливите категории ќе ги добијат ќе ги наменат за подмирување на фактурите за електрична или топлинска енергија се субвенции за електрична енергија во форма на ваучери за граѓаните.

Втората опција е субвенционираните средства да завршат директно кај снабдувачот на електрична енергија со што на крај би се намалила сметката, која треба да ја платат граѓаните од оваа категорија.

„Проширувањето на опфат на ранливите категории кои ќе добиваат субвенции за подмирување на сметките за електрична енергија е приоритет на Регулаторната комисија за енергетика и водни услуги. Таргетирани се домаќинства кои имаат помали вкупни приходи од месечната потрошувачка кошница. Во моментов се анализира да се направи правичен модел кој подразбира дека тие кои имаат помали приходи ќе добиваат поголема субвенција од државата. Домаќинства кои се во рамките на минималната потрошувачка кошничка ќе добиваат најголема субвенција. Како се зголемуваат тие приходи до одредено ниво, износот ќе се намалува и мерката ќе важи само за ранливите категории “, истакна претседателот на РКЕ Марко Бислимоски во Студио 10 на ТВ24.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи