МНР со протестна нота до Бугарија за видеото на европратеникот Џамбаски во кое Охрид и Скопје ги нарекува бугарски градови

Share on facebook
Facebook
Share on twitter
Twitter
Share on email
Email
Share on print
Print

 

На само неколку дена пред стартот на изборите во Бугарија, не запираат провокациите од Бугарија кон Македонија.

Скандалозниот спот со елементи на иредентизам под наслов „Македонија е бугарска, а Бугарија е над се” на европратеникот Ангел Џамбазки и заменик претседател на ВМРО-БН на Красимир Каракачанов, ги натера македонските власти преку амбасадата во Бугарија да испратат протестна нота до официјална Софија.

Најавена е и реакција до ЕУ.

„Истовремено, ќе известиме и соодветно ќе реагираме и до институциите во Европската Унија. Во оваа прилика напоменуваме дека ваквите изјави не придонесуваат во напорите за продлабочување на пријателството, добрососедството и соработката меѓу двете земји. Реторика во која се изразуваат територијални претензии кон соседите не доликува на земји сојузнички во НАТО и земја членка на Европската унија, што е директно и спротивна на идеалите и вредностите на Европската Унија, на кои и двете земји силно се посветени“, велат од МНР.

Во спотот се прикажани кадри од Скопје и Охрид кои Џамбазки ги нарекува бугарски градови. Европратеникот со низа навреди насочени кон Македонскиот народ обвинува дека Македонците лажат за својот идентитет и вели колку повеќе ја мразите Софија, толку повеќе Охрид останува бугарски.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи