ВИДЕО – Партиската книшка – главен критериум за вработување во прилепската Болница ?!

Share on facebook
Facebook
Share on twitter
Twitter
Share on email
Email
Share on print
Print

Среде вистинска пандемска експлозија, кога во градот под Марковите Кули секојдневно умираат минимум по двајца негови жители и кога дефицитот на обучен медицински персонал во прилепската Болница е повеќе од драматичен, невработени медицински сестри сведочат дека основниот критериум за вработување во Болницата, била партиската книшка.

 

 

Наша сограѓанка, по струка виша медицинска сестра, инаку сопруга и мајка на две малолетни деца, а која од разбирливи причини сакаше да остане анонимна, тврди дека никако не можела да дојде до работно место, иако многупати досега била високо на ранг-листите каде што аплицирала за вработување. Вели, летоска била ангажирана во еден од Ковид-одделите, но само на месец и половина, и без никаков договор. Нејзините обиди да си обезбеди работно место, но и знаејќи колкава е потребата од медицински кадар во моментов, останале безуспешни. Од надлежните добила само пофалби за стручноста, но не и Решение за вработување.

„Јас искрено се обидов на повеќе начини, преку пријатели, преку врски, како што прават сите – да бидам повикана. Меѓутоа, не успеав во тоа, од кои причини – не знам. Ми беше дадено до знење дека сето оди преку партија. Дека од партијата им се јавуваат и ги праќаат медицинските сестри“, вели нашата соговорничка.

Сега, оваа млада жена, за да не трпи за леб нејзиното семејство, вели, работи што ќе и падне до рака, а вчершниот апел од градоначалникот Илија Јовански да се пријавуваат медицински лица за помош во Болницата, го класифицира само како декларативен.

„Не знам дали воопшто повторно треба да се јавам и да прашам, затоа што добив одговор – жалам, сето оди преку партија. Обиди се да те стават на листата од партијата, на списокот од партијата…На претходното интервју кое траеше едвај дваесет секунди, директорот отворено ни кажа – право на директорот е да ги одбере кандидатите кои ќе бидат примени“, разочарано раскажува оваа невработена виша медицинска сестра.   

Став за овие сведочења, побаравме и од актуелната директорка на Болницата, Кети Смилеска. Таа веднаш ги демантираше овие наводи, нарекувајќи ги шпекулации и притоа објаснувајќи дека до скоро биле ангажирани постоечките кадри, а од пред неколку дена имало неколку ново-ангажирани кои што и во претходниот пик доаѓале како волонтери, и засега тие биле доволни.

Автор : Каролина Дурло 

Липо ласер и спа капсула за прв пат во Прилеп

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи