Филипче: Вирусот е различен од ноември, лекувањето трае подолго, компликации се јавуваат и кај млади лица и на 13ти, 14ти ден

Share on facebook
Facebook
Share on twitter
Twitter
Share on email
Email
Share on print
Print

 

Министерот за здравство, Венко Филипче на денешната прес-конференција за нови рестриктивни мерки нагласи дека се соочуваме со бран од мутација на вирусот која сега е различен и многу поопасен.

„Имаме голем број на хоспитализирани пациенти, лекувањето трае нешто подолго во однос на минатата година и тоа е дополнителен терен на сите болници и здравствените работници. Сметаме дека празниците кои доаѓаат може да ја комплицираат епидемиолошката состојба и не сакаме да дозволиме да се случи дополнително оптоварување и затоа се сите овие мерки и рестрикции. Состојбата во регионот е слична и во многу други земји се соочуваат со исто така силен бран. Ангажирани се сите болнички капацитети и во функција се сите ковид – болници. Има намалување на инциденцата во некои градови, но во Куманово, Битола, Кичево и Тетово со уште висока инциденца“, изјави Филипче.

Зголемен е бројот на хоспитализирани, а лекувањето сега трае многу подолго од претходно. Забележано е и влошување на состојбата и кај млади пациенти.

„Имаме една клиничка слика која е многу поразлична. За разлика од претходниот бран кога за 14 дена пациентите оздравуваа, сега на 12 или 13 ден има влошување на состојбата и на млади пациенти, кои за жал завршува и фатално, поради нагло влошување на клиничката слика на белите дробови и на крвта. Смртноста е висока секаде и болеста е еднаква секаде“, додаде Филипче.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи