Караџовски: Се насобраа огромен број на случаи, лесно може да дојде до колапс на здравствениот персонал

 

Во овој момент се наоѓаме во криза, здравствените работници се преморени и може многу лесно да се случи колапс на здравствениот персоналот, посочи доктор Жарко Караџовски, претседател на Комисијата за заразни болести.

„Сега сме во неповолна ситуација, затоа што вирусот се шири низ целата земја. Не би ја оценил состојбата како катастрофална, бидејќи се уште ја менаџираме болеста. Ниеден пациент не е оставен да страда, без медицинска нега. Здравствените работници се преморени и не смееме да дозволиме да се намали нивниот број“, изјави Караџовски.

Околу тоа зошто дури сега се носат вакви рестриктивни мерки, тој објасува дека сега вирусот е мутиран и различен од ноември, се шири побрзо.

„Ако ме прашувате зошто решивме да донесе рестриктивни мерки, затоа што вирусот сега не е истиот и затоа што расте бројот на заболени. Во последните три недели се случува бум, со позитивни на ковид-19 од над 1.200 и повеќе на ден. Се насобраа огромен број на случаи, за период од две-три недели се наполнија болниците“, рече Караџовски.

Тој рече дека очекува со мерките на здравствените работници да им се даде „капка” одмор, здравствените власти да обезбедат нови кадри, а оние капацитети кои се оспособуваат да бидат завршени, и конечно, да се вакцинираат што повеќе лица.

„Правилото е вакцинирај, вакцинирај, вакцинирај, тоа единствениот начин на намалување на бројот на заболени. Ве молам да ги спречиме собирањата и празнувањата, сите да бидеме одговорни“, рече Караџовски.

За тоа што се смени овие два дена за да се донесат нови построги мерки, Караџовски вели дека мора да се направи анализа на две неделно ниво, за да може врз основа на релевантни бројки да се носи одлука за нови мерки.

„На 7 дневен период се анализираат податоците кои ги собираме , ниту една мерка не се носи за еден или два дена. Подлабока анализа се прави за една или две недели. Тоа се релевантни бројки кои се прават и во цел свет, а и кај нас. Не се олабавуваат мерките надвор никаде. Во 90% држави во Европа бројките растат. Три дена порано можевме да ги донесевме овие мерки, но за да настапиш пред премиерот и Кризниот штаб треба да настапиш со бројки. Ова сега го предлагаме затоа што две недели имаме зголемување на бројките. Играме на подолги стази и потребни ни се две недели за да направиме добра проценка за нови мерки“, вели Караџовски.

Тој додаде дека има мутации на ковид-19 и ако претходно симптомите се појавуваа за 5 до 7 дена, сега се појавуваат симптомите за 3 до 5 дена.

„Пред две недели и сега не е исто и состојбата може да се смени за 24 часа. Не се сменило со корна вирусот, но се сменил бројот на заболени, хоспитализирани и починати. Британскиот сој или некој од другите мутации се разликува од оној од пред 6 или 8 месеци. Забрзано се шири и просечно 5 до 7 дена беа првите симптоми, сега е за 3 до 5 дена. Различно е и во делот на смртноста. Сега е пикот кога очекуваме енормно да се зголеми бројот на починати лица. Ако сме правеле под 2.000 тестови, сега правиме 4.000 тестови. Проблемот на тестови не е проблем, туку хоспитализациите се”, вели Караџовски.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи