Регулаторната Комисија за Енергетика ги одреди новите цени на горивата кои ќе важат оваа недела. Бензините од ноќеска на полноќ поскапуваат за еден денар по литар, а цената на дизел горивата останува иста.
Со новата пресметка малопродажните цени на Еуросупер-95 и Еуросупер-98 се зголемуваат за по еден денар. Од ноќеска литар 95-октански бензин ќе чини 67 денари, додека еден литар 98-октански бензин ќе чини 69 денари.
Малопродажните цени на Еуродизел (Д-Е V) и на Екстра лесното масло за домаќинство (ЕЛ-1), не се менуваат, односно малопродажната цена на Еуродизел (Д-Е V) изнесува 55,00 ден/лит, додека малопродажната цена на Екстра лесното масло за домаќинство (ЕЛ-1), изнесува 44,50 ден/лит.
