Минихеликоптерот Инџенуити на НАСА е спуштен на површината на Марс како подготовка за неговиот прв лет, соопшти американската вселенска агенција.
„Потврдено приземјувањето на хеликоптерот на Марс!“, објави на Твитер во саботата Лабораторијата за млазен погон на НАСА.
Ултралесното летало беше фиксирано на роверот Персевиренс, кој слета на црвената планета на 18 февруари.
„Неговото патување на 293 милиони милји (471 милион километри) на @NASAPersevere заврши денес со последното спуштање од 10 сантиметри од роверот до површината на Марс. Следниот подвиг? Да ја преживее ноќта“, велат од НАСА.
Инџенуити се очекува да го направи својот прв обид за лет не порано од 11 април, објави на Твитер лабораторијата за млазен погон.
Come fly with us. #MarsHelicopter is preparing to do something that’s never been done: controlled, powered flight on another planet. Takeoff is now slated for no earlier than April 11, with data arriving on Earth on April 12. https://t.co/TNCdXWcKWE pic.twitter.com/JSep5lcKhR
— NASA JPL (@NASAJPL) April 1, 2021
