214 странски криминалци барани со меѓународна потерница, добиле лажни пасоши од македонското МВР

Share on facebook
Facebook
Share on twitter
Twitter
Share on email
Email
Share on print
Print

 

Министерот за внатрешни работи Оливер Спасовски на прес-конференција попладнево соопшти дека вкупно 215 лица добиле македонски патна исправа со туѓ идентитет, 214 биле странски државјани, а само еден бил наш.

Деветмина од групата се приведени во полициска акција по речиси 2 годишна истрага на МВР во соработка со Канцеларија за истраги на амбасадата на САД и Интерпол. Министерот за внатрешни, Оливер Спасовски вели дека истрагата почнала во февруари 2019 по добиени разузнавачки информации злоупотребите кои се правеле внатре во министерството.

„Приведени се 9 лица, а по 1 се трага. Од нив 9 се вработени во МВР, а 1 бил посредник”, рече тој.

Уапсените се овластени службени лица и контролори, односно лица кои биле задолжени за издавање и одобрување на патните исправи.

„Лицата на кои им се давани пасошите, се лица од висок ризик, т.е. сторители на криминал кои се барале со меѓународни потерници“, кажа Спасовски.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи