ЕМА утврди ризик од тромбоза поврзана со „АстраЗенека“: секоја земја самостојно да одлучува за примената на оваа вакцина

Share on facebook
Facebook
Share on twitter
Twitter
Share on email
Email
Share on print
Print

 

Европската агенција за лекови (ЕМА) препорача секоја земја самата да одлучи како ќе го третира нивниот заклучок дека по приемот на вакцината „АстраЗенека“ постои ризик од невообичаено згрутчување на крвта.

„Ние се обидовме да обезбедиме што е можно повеќе информации за придобивките и ризиците што ги идентификувавме, и врз основа на тоа, но и земајќи ја предвид моменталната состојба со пандемијата и можноста за набавка на други вакцини, државите можат да донесат различни одлуки за вакцината „АстраЗенека “, изјави директорката на ЕМА, Емер Кук.

Министрите за здравство на членките на ЕУ вчера не успеаја да се договорат за заедничките упатства за употреба на вакцината Астра Зенека против Ковид-19, и покрај повиците за координација меѓу земјите-членки во борбата за отстранување на јавната недоверба кон вакцината. Тие одржаа вонредна виртуелна средба непосредно откако Европската агенција за лекови (ЕМА) ги смени своите упатства за Астра Зенека, бидејќи откри можни врски со многу ретки случаи на невообичаени згрутчувања на крвта.

Во изминатите 10 дена неколку земји, меѓу кои и Македонија, ја забранија употребата на „АстраЗенека„ за лицата под 60 или 55 години, со очекување дека конечната одлука ќе ја донесе ЕМА.

Во Франција веќе се поднесени првите тужби поради смртта на луѓе по примањето на вакцината „АстраЗенека“.

Белгија од денеска ја ограничува вакцинацијата за лицата под 55-годишна возраст на сите марки освен „АстраЗенека“, откако Европската агенција за лекови (ЕМА), вчера потврди дека згрутчувањето на крвта може да биде ретка, но опасна нус појава од оваа вакцина.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи