Јованоски: До денеска во Прилеп вакцинирани 500 лица, апелирам граѓаните да се пријавуваат за вакцинација

Share on facebook
Facebook
Share on twitter
Twitter
Share on email
Email
Share on print
Print


Во тек е масовната имунизација на населението. Тоа е клучната алатка за ставање конечен крај на пандемијата со вирусот Ковид-19 и враќање во нормалните токови на секојдневно живеење и функционирање. Вакцинацијата во нашата општина се одвива во пунктот на Здравствениот дом Прилеп, каде се пристигнати 1.100 вакцини и каде до денеска се вакцинирани 500 наши сограѓани, сите над 75 годишна возраст. Напиша на својот ФБ профил градоначалникот  на Прилеп, Илија Јованоски.

„Вакцинирањето се одвива преку системот „Мој термин“, односно со закажување на термин од страна на матичните лекари, а реализацијата на досега закажаните термини се движи околу 80 отсто.

Во тек е и вакцинацијата во домашни услови за сите оние возрасни граѓани кои изразиле интерес за примање на вакцината против коронавирусот, а не се здравствено способни да пристигнат за вакцинација во вакциналниот пункт.

Покрај вакцинацијата на повозрасните граѓани во Здравствениот дом Прилеп, во вакциналните пунктови во Скопје, од нашиот град вакцинирани се здравствени работници, дел од воспитувачките и негувателките во градинките, дел од наставниот кадар од прво до трето одделение во основните училишта, припадници на МВР и Армијата.

Во периодот кој следува, бројот на достапни вакцини ќе се зголемува. Затоа, испраќам апел до граѓаните да се пријавуваат за вакцинација. Тоа е единствениот начин со кој ќе и’ ставиме крај на пандемијата со вирусот Ковид-19“, пишува градоначалникот Јованоски.

 

Липо ласер и спа капсула за прв пат во Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи