Проданоски: Бараме итна седница на Советот поради притворањето на командирот на ПС Прилеп

Share on facebook
Facebook
Share on twitter
Twitter
Share on email
Email
Share on print
Print

Ја повикуваме Еленче Ташкоска, претседателот на Советот на Општина Прилеп, да свика итна седница на советот со една единствена точка на дневен ред: расправа за новонастанатата состојба по притворањето на командирот на ПС Прилеп. Истакна на денешната прес конференција Дејан Проданоскии, претседател на ОК на ВМРО-ДПМНЕ Прилеп.

 

 

Прес конференцијата ја пренесуваме во целост.

На седницата Претседателот на Советот да ги покани Градоначалникот Илија Јованоски, како и министерот Оливер Спасовски. Очекуваме како советници да дадат одговор на прашање по безбедноста во Прилеп, за што се заинтересирани граѓаните, кои се згрозени од секојдневните вести околу криминалот во градот.

Граѓаните очекуваат безбедност, а не да нема луѓе на функциите за кои што се избрани. Ние советниците, а преку нас граѓаните, треба да добиеме одговори како ќе биде спроведен законот во овој случај? Го повикуваме министерот Спасовски, по спроведените законски постапки, да се охрабри и да го разреши командирот на ПС Прилеп.

Советничката група на ВМРО-ДПМНЕ и коалицијата, ќе поднесе денес барање за свикување на итната седница, затоа што тоа е од интерес за граѓаните и нивната безбедност.

ВМРО-ДПМНЕ, како одговорна политичка партија, секогаш ги става на прво место интересите на граѓаните. Нема да дозволиме Прилеп да биде градот на мафијата и безредието“, рече Проданоски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи