Рашковски поднесе оставка, Заев ја прифати

Share on facebook
Facebook
Share on twitter
Twitter
Share on email
Email
Share on print
Print


Драги Рашковски утрово објави дека на 12 април поднел оставка од функцијата секретар за мониторинг и поддршка на институциите при реализација на програмата на Владата и на стратешки проекти.

Името на Рашковски во последно време беше поврзано со бројни скандали, злоупотреба на службена должност, тендери…

Рашковски пред 5 месеци беше именуван за секретар за мониторинг и поддршка на институциите при реализација на владината програма во кабинетот на премиерот – нова функција што беше воведена набрзо по неговото заминување од позицијата генерален секретар на Владата.

Повлекувањето е поврзано со зачувување на достоинството и интегритетот, напиша Рашковски во оставката.

„Вистината нека се провери преку институциите. Нема затскривање зад функции. За лажните вести најдобро искуство да го преточиш во научен труд е преку лично искуство. Се надевам дека лажните вести ќе престанат, зашто нивното негативно влијание не штети само лично. Вистинската причина за повлекувањето е наведена во самото писмо. Сѐ поразлично од тоа е лажна вест“, пишува Рашковски на Фејсбук.

По информацијата, премиерот Зоран Заев за „Фокус” кусо изјави дека ја прифатил оставката.

„Да, ја прифатив оставката“, изјави премиерот Заев.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи