Започна изградбата на спортска сала во ООУ „Кире Гаврилоски-Јане“ во Прилеп

Share on facebook
Facebook
Share on twitter
Twitter
Share on email
Email
Share on print
Print


Започна изградбата на спортска сала во ООУ „Кире Гаврилоски-Јане“ во Прилеп. Салата ќе се протега на површина од 650м2, а со нејзината изградба ќе биле обезбедени и сите реквизити потребни за квалитетна реализација на наставата по физичко и здравствено образование.

„Новата мултифункционална и енергетски ефикасна училишна спортска сала, е дел од проектот „Изградба и опремување на 145 училишни сали“, финансиран од Владата. Спортската сала во ООУ „Кире Гаврилоски-Јане“ ќе биде погодна за кошарка, ракомет, одбојка, мал фудбал, пинг-понг и гимнастика, спортови потребни за правилен раст и развој на децата“, напиша на својот ФБ профил, градоначалникот на Прилеп, Илија Јованоски.

Во тек е првата фаза од изградбата: обележување на објектот, снимање на теренот, чистење на хумусот,машинско ископување на земјата за темели и темелни греди, тампонирање до ниво на бетон, бетонирање на подлогата со бетон, шаловање и армирање на темели и темелни греди . Инвеститор на спортската сала е МОН, изведувач на работите е „Гранит“ АД Скопје, а стручно-техничкиот надзор ќе го извршува ЕВРО КОНСАЛТИНГ ДОО Скопје,заедно со ДИВИ МАКЕДОНИЈА ДОО Скопје.

Липо ласер и спа капсула за прв пат во Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи