Притвор за прилепчанец кој крадел во Битола

Share on facebook
Facebook
Share on twitter
Twitter
Share on email
Email
Share on print
Print


Основното јавно обвинителство Битола донесе Наредба за спроведување истражна постапка против две лица од Битола и Прилеп за кривично дело – Разбојничка кражба од член 238 став 4 во врска став 1 во врска со член 22 од Кривичниот законик. Против осомничените поднесен е и предлог за определување мерка притвор.

Истрагата е поведена заради основано сомнение дека двајцата соизвршители, заедно со уште едно непознато лице кое според првичните информации од истрагата чувало стража, на 14 април, биле затечени при кражба во стан на улицата „Климент Охридски“. Ги затекнале двајца соседи кои се обиделе да ги спречат во намерата и да ја известат полицијата, но осомничените употребилe сила, се нафрлиле врз соседите, ги собориле на скалите при што на едниот сосед му нанеле тешка телесна повреда. Едниот осомничениот потоа употребил и опасно орудие – нож, замавнувајќи кон станарите, по што се дал во бегство и се уште не е достапен на органите на прогонот. Другиот осомничен е лишен од слобода.

Постапувајќи по предлогот на обвинителот, судијата на претходна постапка на Основен суд Битола донесе Решение со кое определи мерка притвор, во траење до 30 дена спрема двајцата осомничени. За осомничениот кој е во бегство мерката притвор ќе започне да се применува од денот на неговото пронаоѓање и лишување од слобода.​​

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи