Радевски: Со каков образ пратениците ќе бараат поддршка на следните избори од работниците кои ги оставија без 2 плати и егзистенција?

Share on facebook
Facebook
Share on twitter
Twitter
Share on email
Email
Share on print
Print

Ако петтиот пакет мерки не се донесе до крајот на неделава, тројно повеќе текстилни работници ќе бидат пуштени на принуден одмор, предупредува Синдикатот за текстил, кожа и чевли (СТКЧ) при Сојузот на синдикатите на Македонија.

Од ССМ велат дека пратениците си играат со судбината на илјадници работници кои чекаат плата за февруари и март.

„Нечовечки е во услови на пандемија, Парламентот да си игра со судбината на илјадници работници кои чекаат плата за февруари и март, а сега сме април. Народните пратеници испаднаа ненародни луѓе и не знам со каков образ ќе бараат поддршка на следните избори од работниците кои ги оставија без две плати и егзистенција“, вели Љупчо Радевски, претседател на Текстилниот синдикат.

Од Сојузот на синдикати на Македонија потсетуваат дека државната помош треба да ги спаси работните места до втората половина на годинава кога се очекува враќање на нарачките од странските партнери и континуирана работа на текстилните погони.

„Работниците не може да бидат на маргините за нечии политички пазар. Пратениците од власта и опозицијата да не си играат со народот и работникот и да го донесат петтиот пакет мерки и со тоа да се зачуваат работните места и исплатат платите на работниците“, порачува претседателот на ССМ, Дарко Димовски.

Липо ласер и спа капсула за прв пат во Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи