Од денес до 30 април фирмите може да аплицираат за помош за плати за февруари и март

Share on facebook
Facebook
Share on twitter
Twitter
Share on email
Email
Share on print
Print

Од денеска, па до 30 април, фирмите и самостојните вршители на дејност може да аплицираат за финансиската помош за плати за февруари и за март. По изгласаниот закон, денеска се објавени и правилниците согласно кои тие можат да го извршат аплицирањето во УЈП, информира министерот за финансии Фатмир Бесими на прес конференцијата која е во тек.

Тој рече дека новина овојпат е тоа што фирмите и самостојните вршители на дејност нема да враќат половина од добиениот износ и тоа со ништо не е условено. А доколку, пак, вложуваат пари во основни средства, тогаш сите пари им се 100% грант.

„2021 година е година на ревитализација и сите мерки се во таа насока“, рече Бесими.

За февруарската и мартовската плата се издвоени 31 милион евра. Со мерката се планира да бидат опфатени 60.000 работници. Помошта е од 14.500 денари до 21.776 денари по работник и зависи од тоа колку е намален приходот на компанијата што аплицира за помош.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи