Заев: Пауновски ќе биде разрешен, не може да се препукува со мене, ова е пркос којшто не е дозволен

Share on facebook
Facebook
Share on twitter
Twitter
Share on email
Email
Share on print
Print

Премиерот Зоран Заев ќе го разреши од функцијата директорот на Пазарниот инспекторат Стојко Пауновски кој не сака да вработи 35 рамковни административци.

Заев рече дека таков пркос од Пауновски не е дозволен, и дека има доволно аргументи за да биде разрешен, и очекува предлог од вицепремиерот Љупчо Николовски.

„Институциите кажуваат дали некој од тие што им се понудени може да се вработи или не може, имало и други институции кои одбиле дел од предлозите. Но, секој ден да се препукувате со потпретседателот на Владата, гледам сега и со претседателот на Владата не може. Очекувам да биде даден предлог за негово разрешување и тоа од Љупчо Николовски. Сметам дека постои основ за негово разрешување затоа што не може да си дозволите јавно да давате вакви коментари, понижувајќи ги претпоставените. Пауновски е мој пријател, но ова е пркос којшто е недозволен, хиерархијата треба да е поставена и треба да функционира успешно“, рече Заев.

Заев кажа дека од 1.349 рамковни административци кои земаа плата, а не одеа на работа, 1.182 прифатиле распределување, 38 одбиле и одат на трансфер листа, а 13 сами си дале отказ.

Пауновски денеска кажа дека ако премиерот не го разбира зошто не сака да ги потпише решенијата, слободно да го разреши од функцијата, но е дециден дека нема да вработи неквалификувани кадри.

Липо ласер и спа капсула за прв пат во Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи