Комисијата предлага пократок полициски час за Велигден и отворени летни тераси на угостителски објекти

Share on facebook
Facebook
Share on twitter
Twitter
Share on email
Email
Share on print
Print


Рестриктивните мерки истекуваат утре, 27 април, а Комисијата за заразни болести денеска ќе одлучува дали тие ќе бидат продолжени и во текот на следната недела, вклучувајќи ги и велигденските празници.

Главниот координативен штаб минатата недела соопшти дека ќе ја разгледа можноста за предлог за намалување на рестрикциите, исклучиво во случај на континуитет во падот на бројот на заразени и бројот на хоспитализирани лица. Како што беше соопштено, тоа би вклучувало отворање на угостителските објекти за работа со гости на терасите од угостителскиот објект. Понатаму, комисијата предлага пократок полициски час и тоа од 21 часот до 5 часот наредниот ден, наместо од 20 часот како што е во моментот.

Министерот за здравство Венко Филипче вчера нагласи дека бројот на новозаразени со коронавирусот бележи надолен тренд и ги повика граѓаните за време на претстојниот велигденски празник да не се групираат и да ги почитуваат мерките за заштита.

„Пред нас следат празници, слободни денови и убаво време. Да ги искористиме одговорно, да не се групираме и да не ги кршиме мерките за заштита. Има многу начини да поминеме квалитетно време во кругот на семејството и најблиските, а да останеме заштитени од вирусот“, порача Филипче.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи