Дневно ќе се вакцинираат по 10 илјади граѓани, рече Филипче

Share on facebook
Facebook
Share on twitter
Twitter
Share on email
Email
Share on print
Print


Од вторник се очекува да профункционираат вакциналните пунктови во уште 6 градови во Македонија, каде што по празниците треба да започне масовната имунизација на населeнието. Досега се вакцинирани 60 илјади граѓани. Министерот за здравство Венко Филипче очекува во наредниот период да се вакцинираат и по 10 илјади граѓани дневно.

Филипче очекува дека со отворањето на дополнителните пунктови ќе се намали метежот на пунктовите во Скопје. По Велигден со кинеските вакцини што во Македонија ќе пристигнат утре изутрина ќе стартува масовната вакцинација во спортските сали во Битола, Охрид, Куманово, Тетово, Штип и Кавадарци.

„Веќе во понеделник насекаде ќе бидат дистрибуирани кинеските вакцини согласно бројот на пријавени граѓани. Мислам дека овој систем ќе овозможи и над 10 илјади граѓани дневно да се вакцинираат и воопшто да нема никакви метежи“, изјави Филипче.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи