Ќе се реновира училиштето во Борино, проект за меѓуетничка интеграција

Share on facebook
Facebook
Share on twitter
Twitter
Share on email
Email
Share on print
Print


Ќе се реновира подрачното училиште во с. Борино во рамки на проект на УСАИД за меѓуетничка интеграција имплементиран од Македонскиот центар за граѓанско образование (МЦГО), компонента 3-обезбедување стимул на училишта /реновирање. Реновирањето на училиштето доаѓа како резултат на вклученоста во погоренавендениот проект, односно во активности кои опфаќаат унапредување на меѓуетничката интеграција на младите преку образованието.

Покрај реновирањето на училиштето кое опфаќа нов кабинет за настава, канцеларија за наставници и тоалети, ООУ „Никола Карев“ ќе продолжи со активности за унапредување на меѓуетничката интеграција како што е предвидено во проектот.

„Во духот на меѓуетничкиот соживот и зајакнување на меѓуетничката интеграција добивме средства за реновирање на подрачното училиште во с. Борино. Ова значи дека учениците ќе добијат подобри услови за учење и средина исполнета со содржина и од сегашните лоши услови училниците ќе добијат нова намена. Драго ми е што го исполнуваме ветеното, а тоа е да ги подобруваме условите во образованието насекаде низ општината“, изјави градоначалникот на општина Крушево Томе Христоски.

Реновирањето ќе ги опфати следните работи: ѕидарски, бетонски и армирано бетонски, армирачки, кровопокривачки, изолатерски, столарски, лимарски работи, подови, ќерамички, водовод и канализација други.

Липо ласер и спа капсула за прв пат во Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи