Од утре започнува вакцинацијата на наставниците кои ќе бидат ангажирани околу полагањето на државната матура која започнува на 5 јуни. Оваа група наставници е ставена во прироритетната листа за имунизација, на барање на синдикатот, имајќи предвид дека испитите ќе се полагаат со физичко присуство на учениците и наставниците.
Самостојниот синдикат за образование, наука и култура (СОНК) пред две недeли побара од Министерството за образование под итно да биде составена приоритетна листа за сите наставници кои ќе бидат ангажирани во јунското полагање на матирата и испитите.
Од Министерството за образование и наука велат дека очекуваат сите наставници да се јават на вакциналните пунктови и да ја примат вакцината во интерес на своето и на здравјето на учениците.
Наставниците кои нема да бидат ангажирани со јунските испити со физичко присуство веројатно ќе бидат оставени во групата за масовна имунизација преку пријавите на сајтот вакцинација.мк или преку матичните лекари.
