Заев се вакцинираше со кинеската „Синофарм“ и се чувствува добро

Share on facebook
Facebook
Share on twitter
Twitter
Share on email
Email
Share on print
Print


Премиерот Зоран Заев ја прими првата доза од вакцината „Синофарм“ во пунктот за вакцинација во спортската сала „Борис Трајковски”.

„Ја примив првата доза од „Синофарм“. Таа беше на ред, јас не бирав. До почетокот на летото ќе имаме голем број вакцинирани граѓани. Вакцините се тестирани и проверени. Важно е масовно да се учествува во процесот на вакцинација. Се чувствувам добро и ќе ги продолжам работните обврски. Ги повикувам граѓаните да се пријават за вакцинација за да може летово што поголем број лица да бидат имунизирани”, рече Заев.

Тој ги повика граѓаните за масовна имунизација за да се постигне колективниот имунитет.

„Вакцините се безбедни, проверени тестирани и навистина колку побрзо заврши процесот на имунизација толку побрзо ќе заврши борбата со овој невидлив непријател пандемијата од ковид-19. Важно е масовно да се учествува во процесот за имунизација за да се промени целокупната слика на епидемијата во позитивна смисла и полека да го постигнеме колективниот имунитет“, порача Заев.

Тој изрази жалење што досега имале проблем со набавувањето на вакцините, но дека направиле сѐ за тие да пристигнат што поскоро во нашата земја.

„Ние неколку пати соопштуваме дека имавме проблем со набавката на вакцини. Авансот за „Синофарм“ е вратен. Имавме напори да направиме сѐ за час поскоро да ги набавиме вакцините“, изјави Заев.

Нови атрактивни профили за учебната 2021/2022 во СОУ „Ристе Ристески-Ричко“

Профили за уписи во I ( прва ) година во СОУ „Орде Чопела“ - Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video