Прво успешно слетување на „Старшип“ на Маск

„СпејсЕкс“ за првпат успешно ja приземји својата футуристичка ракета „Старшип“, со која Илон Маск во иднина планира да праќа луѓе на Месечината и Марс. Ова следува откако претходните четири обиди завршуваа со експлозија во најразлични фази од тестот.

„Старшип“ полета од локацијата на компанијата во Бока Чика на југот на американската сојузна држава Тексас и достигна планирана максимална висина од 10 километри, по што лебдеше за момент, а потоа се упати назад надолу кон Земјата и успешно слета исправено на полигонот.

„Приземјувањето беше како според книги“, напиша Маск на Твитер.

Овој успех е клучна пресвртница за приватната компанија на Маск во развојот на вселенско летало што може да се користи повеќе пати, способно да носи големи количини товар и астронаути на Месечината и Марс.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи