ВИДЕО – Уникатни дела од прилепскиот рубин и сафир, филигранство и wire wrapping – Диме Петрески уметник од Прилеп

Share on facebook
Facebook
Share on twitter
Twitter
Share on email
Email
Share on print
Print


Диме Петрески е сестран уметник од Прилеп кој работи во повеќе техники како што се wire wrapping, обработка на скапоцени камења, филигранство, како и изработка на уникатни 3Д слики каде објектите на нив се од обоени камења. Со уметност започнал да се занимава пред 25 години и тоа со wire wrapping-от. Прво започнал како препродавач на бижутерија, но потоа решил сам да ги креира делата. Обетки, алки и прстени со wire wrapping.

„Тој дел ми е најлесен, наједноставен и најмногу можам да постигнам успех во креацијата во овие производи. И затоа се снабдив со мониста, со жици од најразличен вид, претежно работам во алуминиумски легури, кои се лесно за носење, лесни за обработка и се едноставни за носење кај жените и не оксидираат жиците, што е најбитно“, истакна Диме Петрески, уметник од Прилеп.

Една од најинтересните техники кои ги работи е обработката на драги камења, кои сам ги наоѓа во планините и потоа истите ги става на сребро. Најинтересна е обработката на надалеку познатиот прилепскиот корунд, односно прилепскиот рубин и сафир.

„Значи групата е корунд, а спрема бојата се дели, ако е црвен рубин, а сите други бои сафир. Значи тегет плавата боја е најпозната за сафирот, но има и розев и безбоен, повеќе нијанси има на сафири. Го носат и на саеми, каде го продаваат. И секаде е застапен како македонски рубин. Во цела Западна Европа, освен Русија, само во Прилеп, во Македонија, е застапен нашиот рубин. Овој рубин не е во светски најквалитетните, затоа што содржи одредени инклузии, се појавуваат како одредени ластови на самиот рубин“, додаде Петрески.

По цврстина корундот бил веднаш зад дијамантот и затоа бил тежок за обработка. Се обработувал истиот со дијаманстки брусилки, а за да добие некоја форма Петрески еден рубин го обработувал по неколку часа. Вели дека кај нас овие скапоцени камења се бараат помалку поради слабата финансиска моќ на граѓаните, а и кога ќе продадел нешто тоа не била вистинската вредност на каменот.

„Тежината е во карати, 0.2 грама е еден карат. На пример ако е цената еден грам 25 евра или еден карат од 4 до 10 евра, зависи од бојата од квалитетот на рубинот, тоа постигнува многу големи цени во странство. Сум гледал рубини со добар квалитет од 4 карати, две камчиња чинат некаде 400-500 евра“, истакна Петрески.

Создава и 3Д слики од камења, каде најчесто се претставени риби.

„Претежно се изработени во камен рибите, користам и школки. Рибите се претежно морски, затоа што колоритот на морските риби е подруг. Користам дрвени рамки, лесонит, акрилни бои, креацијата е бескрајна“, додаде Петрески.

Засега своите производи ги продава само во Македонија и туристите кои доаѓаат тука, но идејата му е истите да започне да ги пласира и во странство. Петрески исто така вели дека во иднина сака од страна на уметноста да се проба и да започне уште со сликарството.

Профили за уписи во I ( прва ) година во СОУ „Орде Чопела“ - Прилеп

Нови атрактивни профили за учебната 2021/2022 во СОУ „Ристе Ристески-Ричко“

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video