ВИДЕО – Скоро еден месец семејствата Трајаноски и Крстески од Прилеп без покрив над главата, молат за помош

Share on facebook
Facebook
Share on twitter
Twitter
Share on email
Email
Share on print
Print


Скоро еден месец семејствата Трајаноски и Крстески од Прилеп се без покрив над главата, откако огнената стихија на 19-ти минатиот месец до темел ги проголта нивните домови. Им изгоре буквално се што печалеле цел живот, покуќнина, облека, пари. Немаат повеќе ништо, спијат кај нивни роднини. Трајаноски живеел сам и е невработен, сега спие кај неговата сестра. Требало сега да прави веридба за синот кој е во странство. Освен помош за куќата, бара и вработување.

„Сега почнувам од нула, немам ниту виљушка, ниту чаша вода да се напијам. Ништо немам, се изгоре. 800 евра во пари ми изгореа и златото ми изгоре кое го чував за детето, требаше да правиме веридба, требаше да си дојди од Германија, таму се година и половина со девојката. Не сум вработен, живеам ако ме викнат да аргатам некаде, пријатели, сестра ми ми дава некој денар“, рече Зоран Трајаноски, сопственик на изгорената куќа.

Крстески се 5 члено семејство. И тие сега се останати без ништо спијат кај свои роднини. Иако Сашо, неговата сопруга и братот се вработени сепак им треба голема помош.

„Ни изгоре цела покуќнина, нешто остана само од алиштата, другото од инвентарот скоро целиот е уништен, маси столици, кревети, телевизори, се изгоре. Сега сме сместени во приватна куќа кај наши роднини, тие сега помагаат“, вели Сашо Крстески, сопственик на изгорената куќа.

Досега имаат добиено само мала парична помош од хумани граѓани, но недоволна за да започнат со обнова на домовите. Акција за собирање средства сега започнува и хуманитарното здружение „Надеж за Сите“.

„Кој колку може да помогне, едноставно овие две семејства и понатаму да живеат како што треба. Затоа што буквално се она што печалеле е срамнето со земјата“, истакна Маја Божиноска, Здружение „Надеж за Сите“.

 „Да им обезбедиме барем малку надеж на овие две семејства, таа надеж би се состоела во финансиски средства, што најмногу им се потребни сега, бидејќии почнувата од нула, за да не бидат нивините деца на улица“, додаде Васе Благадушеска, Здружение „Надеж за Сите“.

 

Семејствата може да ги контактирате на следните телефонски броеви :

078-402-893 – Зоран Трајаноски

072-234-103 – Сашо Крстески

070-241-068 – Здружение Надеж за Сите

 

А ова се жиро сметките за донации:

Охридска банка А.Д. Скопје – 530500020935855 – Сашо Крстески

Уни банка – 240287115097940 – Христина Трајаноска

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи