Mладинци во виртуелна посета на Собранието на Македонија

Share on facebook
Facebook
Share on twitter
Twitter
Share on email
Email
Share on print
Print


Центар за граѓанска иницијатива – Прилеп во рамките на активностите од проектот „Јакнење на малцинствата и специфичните групи за промовирање на партиципативната демократија на ниво на заедницата фаза 2“, кој е поддржан од ifa/Zivik Федерална канцеларија на Сојузна Република Германија,организираше посета на Собранието на Република Северна Македонија на средношколци од 10 средни училишта одПрилеп, Битола, Крушево, Ресен, Дебар, Куманово, Штип, Велес, Гевгелија и Долнени вклучени во проектот.

Имено повеќе од 150 ученици преку виртуелната обиколка што се организира во соработка со Парламентарниот институт на Собранието на Република Северна Македонија се запознаа со надлежностите на Собранието од една страна и со неговата организираност од друга страна. Пред младинците беа претставени салите за работа и состаноци. Учениците беа информирани за историјата на овој објект, за начинот на изградба и функционалност, а уште повеќе за начинот на денешното негово користење. Прошетката низ Собранието ја водеа ДејанДимитриевски и Соња Стаменковска од Парламентарниот институт.

Учениците беа задоволни од посетата и запознавањето со Собранието, имаа свои прашања кои беа одговорени. А дел од учениците пројавија интерес во иднина да бидат пратеници во истото.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи