Петкоски: Јованоски да ги тргне рацете од образованието, викнете ги сите родители на дебата, а не да одржувате средби во тајност

Share on facebook
Facebook
Share on twitter
Twitter
Share on email
Email
Share on print
Print


Од ова место порачуваме, Градоначалник Илија Јованоски, тргнете ги под итно рацете од образованието!? Престанете со парадите низ основните училишта во Прилеп со одбрана публика, затоа што тие нема да ви го подобрат мизерниот рејтинг од 1 процент доверба. Истакна на денешната прес конференција портпаролот на ОК на ВМРО-ДПМНЕ Прилеп, Влатко Петкоски.

Прес конференцијата ја пренесуваме во целост.

 

„Наместо да објавувате на социјалните мрежи дека сте одржале некаква средба, глумејќи транспарентност, на која присуствувале повеќемина наставници и претставници на Советот на родители, покрај директорите, Ве повикуваме да се сретнете со сите наставници и сите претставници на Советот на родители. Се разбира, доколку сакате да ги слушнете вистинските аргументи за штетата  што ќе ја предизвика новата образовна концепција на Мила Царовска.  Тоа што овие паради ги одржувате пред одбрана публика, изоставајќи родители и наставници кои не ви се по желба, само докажува дека се плашите да дебатирате за вистинските реформи кои се потребни во образованието. Помина времето на мачкање очи, граѓаните го знаат тоа!

Под чија директива се одлучивте на ваков чекор? Дали тоа што револтот кај децата и родителите расте со секој изминат ден? Или се уплашивте дека се свесни за непоправливите штети што ќе ги предизвика новиот концепт!. Дали тоа  ве натераа да се ставите во улога на „портпарол“ на Мила Царовска?

И наместо да одржувате средби во тајност, и да дебатирате со празна фразеологија, да ги збунувате „одбраните“ родители и наставници, охрабрете се и разговарајте со сите наставници и сите членови на Советот на родители по училиштата.  Тие ќе ви кажат каде грешите и какви се’ штетни последици ќе предизвикаат вака избрзаните реформи.

Новиот концепт ќе донесе само штета за децата. Дигитализацијата и насилно донесената Концепција за образование удира директно на иднината и развојот на децата.  Не смееме да дозволиме да биде доуништено и онака веќе разнишаното образование. Последиците ќе бидат по сите нас, по нашите деца, по иднината на оваа држава, Република Македонија“, додаде Петкоски.

Нови атрактивни профили за учебната 2021/2022 во СОУ „Ристе Ристески-Ричко“

Профили за уписи во I ( прва ) година во СОУ „Орде Чопела“ - Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video