За помалку од 20 долари може да поминете ноќ во станот од серијата „Пријатели“

Share on facebook
Facebook
Share on twitter
Twitter
Share on email
Email
Share on print
Print


Набрзо по објавување на датумот за премиерата на новата епизода од ултра успешната серија „Пријатели“, 27 мај, „Букинг“ објави информација дека може да престојувате во њујоршката реплика на станот и другите простории каде што беше снимена една од најпознатите американски серии за помалку од 20 долари.

И, иако сцените биле снимени во студио во Лос Анџелес, надворешноста на зградата во која живееја познатите „Пријатели“ се наоѓа во Њујорк.

Во хотелот „Искуство со Пријатели“, во населбата Грамерси, во њујоршката општина Менхетн, на заинтересираните им се нуди да поминат ноќ за само 19,94 долари, цена одредена според годината кога започна емитување на серијата, односно 1994 година. Всушност, „Искуство со Пријатели“ е двокатен простор во којшто посетителите имаат на располагање 18 соби со оригинални реквизити и костими, како и сценографијата од серијата.

Можете да го посетите станот на Рејчел и Моника, да уживате во удобните фотелји на Чендлер и Џои или да играте фудбалче во нивниот стан, но исто така може да пробате и некои од оригиналните костуми прикажани во текот на десетте сезони од серијата. За посетителите се организира посебна вечера, а наутро тие можат да седат и на култниот портокалов тросед, со кафе и колачи, во кафуле што изгледа токму како „Централ парк“.

Можно е да се резервира престој од најмногу две ноќи.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи