НУЦК „Марко Цепенков“: Предавање и концерт на македонска духовна музика на 25 мај во 20 часот

Share on facebook
Facebook
Share on twitter
Twitter
Share on email
Email
Share on print
Print


Вторник, 25 мај со почеток од 20 часот ќе се одржи предавање и концерт на македонска духовна музика на летната сцена на НУЦК „Марко Цепенков“.

„Предавањето на протопсалт м-р Гоце Секулоски е од областа на естетиката на музиката, со акцент на православната химнографија од периодот на неделите пред и за време на Великиот Пост.

Накратко и во општ опфат ќе бидат разгледани теми од областа на црковната музика, историски развој, философско-духовен етос на мелосот, осумте гласа (Осмогласникот), со посебен акцент на химнографијата и мелодиската „обоеност“ на богослужбените текстови од Пасхалниот период. Концертот на македонска духовна музика “Песнопенија за Страдањата Христови“ е музичка изведба од лирски карактер на неколку композиции посветени на Страсната Седмица, кои ќе се надоврзат на предавањето и ќе понудат музички контекст на темите опфатени од истото. Во краткиот концерт влегуваат следните композиции:

„Денес виси на дрво“, „Живот си, Христе“, “Достојно е, Животодавче“, „Народите сите“ и „Христос воскресе“. Учесници: протопсалт м-р Гоце Секулоски – предавач, Aна Митоска – вокал, Петар Христов – кларинет, Дарко Фурнаџиски – ребаб, Кристијан Кожумановски – контрабас и Горан Дукоски – лаута.

Времетраење на предавањето и концертот: 60 – 70 мин“, стои во соопштението од НУЦК „Марко Цепенков“.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи