На 22 мај, сабота 2021 во 19.00 ч. во театарот „Војдан Чернодрински“ во Прилеп премиерно ќе биде прикажана претставата „Мендо и Мајло“ во режија на Игор Трпчески, продукција Tеатарска работилница Прилеп.
Податоци за претставата
„Мендо и Мајло“ – дуодрама
од Мирјанка Р. Селчанец
во режија на Игор Трпчески
Играат: Трајче Иваноски – Пепио и Андон Јованоски – Аша
Текстот е социјална комедија за двајца повозрасни луѓе, кои по игра на случајот се нашле во притворската келија на затворот Шутка.
Мендо е обвинет за убиство на сопствената невенчана жена, која всушност починала во сон… Мајло е ром – дрвокрадец, кој истотака е обвинет за убиство на шумарот, кој несреќно загинал, откако неговата магарица Уснија, ја превртува колата со дрва под кои и самата загинува, а Мајло е тешко повреден. Во ова време кога национализмот константно расте, а толерантноста опаѓа, важно е да разбереме, дека колку и предрасудите да се големи, на крајот, потребен ни е човек!
