ВМРО-ДПМНЕ: Лукаревска во УЈП ќе потроши 400 илјади евра за компјутери и 440 илјади евра за привремени вработувања

Share on facebook
Facebook
Share on twitter
Twitter
Share on email
Email
Share on print
Print


Опозициската партија реагира на неразумното трошење народни пари во време на пандемија на новоименуваната заменичка претседателка на СДСМ, Сања Лукаревска и, како што велат, нејзиниот ментор Заев.

„Власта на Заев нема една набавка во која нема сомнеж за сериозна злоупотреба. Последен таков случај е набавката која ја направила новоименуваната заменичка претседателка на СДСМ, Сања Лукаревска која набавувала компјутери по цена и од 2 400 евра.

Имено УЈП набавува 100 компјутери по цена од 45 423 денари без ДДВ, 250 лаптопи по цена од 53 766 денари без ДДВ и 40 лаптопи по неверојатни 145 848 денари без ДДВ по парче. Или вкупно над 400 илјади евра ќе потроши Лукаревска во овој турнус набавки на компјутери во ек на економска криза.

Патем истата таа Лукаревска склучила и дополнителен договор вреден 440 илјади евра со приватна агенција за вработување за само година дена, преку кој договор ќе бидат ангажирани 33 лица, иако во УЈП веќе се распоредени над 100 лица кои беа дел од „рамковните вработувања”.

Лукаревска како и нејзиниот ментор Заев е ставена во полн погон на неразумно трошење на народните пари во време кога 600 илјади граѓани живеат во сиромаштија, 60 илјади се новоневработени, а над 6 000 компании ставија клуч на врата поради кризата“, се вели во соопштението на ВМРО-ДПМНЕ.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи