Нов предлог за референдум од граѓанската иницијатива „Учебници и настава мора да има“ за Предлог-законот за дигитални учебници

Share on facebook
Facebook
Share on twitter
Twitter
Share on email
Email
Share on print
Print


Родителите од „Учебници и настава мора да има“ денеска повторно поднесоа иницијатива до Собранието за распишување  референдум за граѓаните да се изјаснат за Предлог-законот за дигитални учебници и наставни материјали во основното и средното образование откако првиот пат иницијативата им беше одбиена како неуредна.

Во текот на вчерашниот ден пред подрачни единици на ДИК иницијаторите собрале околу 300 потписи кои се доволни за да го поднесат предлогот во законодавниот дом.

Претставничката на граѓанската иницијатива, Драгана Спасевска изјави дека бараат директно и непосредно изјаснување на волјата на граѓаните за предожениот закон и се надева дека овојпат иницијативата е во согласност со Законот за референдум и ќе биде прифатена.

„Ќе се бориме сите заедно и ќе ги користиме сите правни средства за стопирање на постапката за донесување на законот. Сакам да се обратам до сите политичари, европски делегати, пратеници дека ова граѓанското движење односно граѓански глас е против донесување на овој предлог-закон. Доополнително, на сите политичари и на сите пратеници во Собрнието им советувам да го слушнат гласот и да го почитуваат ставот на граѓаните и добро да размислат какви чекори ќе преземат, затоа што на крајот од денот овие граѓани им го дале својот глас за да ги застапуваат во институциите“, изјави Спасевска.

Граѓанската иницијатива „Учебници и настава мора да има“ денеска попладне ќе организира мирни протести во повеќе општини во државата и мирен марш во Скопје, кој ќе почне пред Министерството за образование и наука.

Нови атрактивни профили за учебната 2021/2022 во СОУ „Ристе Ристески-Ричко“

Профили за уписи во I ( прва ) година во СОУ „Орде Чопела“ - Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video