Добрила Кацарска е новиот претседател на Уставниот суд. Пред малку беше избрана со тајно гласање и дво-третинско мнозинство на деветмината уставни судии.
Досегашниот претседател Сали Мурати ја напушта и претседателската и судската функција во Уставен, бидејќи му завршува деветгодишниот мандат. Нема право на реизбор.
Кацарска беше избрана за уставен судија во ноември 2020-та по предлог на Судскиот совет. Беше судијка во Кривичниот суд од 86-та година.
Kако судијка во Основниот суд Скопје 1, Кацарска го судеше предметoт за настаните од 27 април, и случајот „Тенк“ за начинот на набавка на блиндираниот „мерцедес“ во кој на затворски казни се осудени Никола Груевски, Гордана Јанкулоска и Ѓоко Поповски.
