ДИК ќе распише нов тендер за фингерпринтови, првиот е поништен поради грешно зборче во спецификацијата

Share on facebook
Facebook
Share on twitter
Twitter
Share on email
Email
Share on print
Print


Претседателот на ДИК, Александар Даштевски, во петокот го поништил огласот за фингерпринтовите, откако се увидело дека во спецификацијата наместо да се бара фирма која ќе набави апарати за биометриска идентификација на гласачи, се барало електронска идентификација на лица.

Од Државната изборна комисија објаснуваат дека апаратите за идентификација на отпечаток од прст треба да бидат за избирачи, а не за лица.

Доколку се за електронска евиденција на лица, како што било наведено во веќе поништениот тендер, можело на јавниот повик да се пријави фирма која набавува апарати за електронско читање, како на пример за влез на вработени во фирми или за паркирање. Од друга страна, тоа значи дека на тендерот би можело да не се пријави ниту една фирма која ќе набави апарати за биометриско читање на отпечаток од прст и јавниот повик да пропадне.

Новиот тендер се очекува да биде објавен уште денеска и од дик и очекуваат до втората половина на јули да заврши целата тендерска постапка. според проценките на дик и бројот на гласачки места, ќе се обезбедат околу 4.000 терминали.

Апаратите за фингерпринт за локалните избори беше едно од барањата на ВМРО-ДПМНЕ кое го договорија лидерот Христијан Мицкоски и премиерот Зоран Заев.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи