Регулаторната комисија ги објави новите цени на горивата, кои стапуваат на сила од полноќ, а тоа значи повторно поскапување за бензините и дизелот.
Бензинот и дизел горивото ќе поскапат за половина денар по литар, а нафтата за домаќинствата за еден денар.
Со тоа, бензинот од 98 октани ќе се продава по цена од 70 денари за литар, цената на бензинот од 95 октани ќе изнесува 68 денари, додека дизелот ќе се продава за 60,5 денари за литар.
Малопродажната цена на Екстра лесното масло за домаќинство (ЕЛ-1) ќе чини 60 денари за литар.
Цената на мазутот М-1 НС се зголемува за 1,008 ден/кг и ќе изнесува 34,889 ден/кг.
