Вакцинацијата за заштита од КОВИД-19 не е достапна за маргинализираните граѓани


Министерството за здравство апелира до граѓаните масовно да се пријавуваат на „vakcinacija.mk“, бидејќи според нивните соопштенија тоа е најлесниот и најбрз пат да се пријаваат за вакцинирање.

Теренските анализи во изминатиот период, покажуваат дека граѓаните имаат потреба од дигитална поддршка за обезбедување термин за вакцинација, како и дополнителни вистинити информации преку кои би се ослободиле од лажните вести поврзани со вакцинацијата кои постојано се шират во јавност.

Со оглед на фактот што во Прилеп и околните рурални места живеат голем број граѓани кои со соочуваат со различни економски, социјални и географски бариери, како и поради фактот што постојат голем број дигитално неписмени луѓе, вестите и соопштенијата кои Министерство за здравство ги објавува во врска со вакцинацијата за заштита од КОВИД-19, не често можат да допраат до поширокатапопулација која е оневозможена да се информира, да се пријави и да се вакцинира.

Состојбата на терен покажува дека еслаб одзивот на заинтересирани и пријавени граѓани, со тоа што вакциналниот статус на маргинализираните граѓани е многу низок, што не кореспондира со соопштенијата на Министерството за здравство. Па затоа се прашуваме, дали во бројот на вакцинирани граѓани против КОВИД-19, кој надмина 240.000 и во бројот на лица од 437.339 граѓани кои изразиле желба за вакцинација преку веб-платформата „vakcinacija.mk“, колку од нив се маргинализирани граѓани?

Нискиот опфат на оваа категорија на граѓани со вакцинација, го зголемува ризикот и се доведува во прашање општата здравствена состојба. Дополнително, согласно усвоените владини политики, постојат заложбида се намали морталитетот и морбидитетот предизвикан од КОВИД-19 вирусот, а состојбата со вациналниот статус на маргинализираните граѓани не се соодветствува со намерите.

За таа цел, Министерството за здравство ќе треба да се заложи повеќе и да предвиди дополнителни мерки во рамките на Националниот план за КОВИД-19, од аспект на подигнување на свесноста и спроведување на информативни активности директно насочени на терен.

Несомнено, потребно е подобрување на комуникацијата и зајакнување на довербата на граѓаните, како и обезбедувањето на услови за пласирање на директни информации и технички можности до маргинализираните граѓани, кои треба да се предвидат и спроведат од надлежните со цел населението кое се наоѓа на маргините на општеството, да биде целосно опфатено односно да има соодветен пристап со цел заштитатна здравствената состојба.

Автор : СТАНИЦА П.Е.Т. Прилеп

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи