28 милиони долари за лет во вселената со Џеф Безос

Share on facebook
Facebook
Share on twitter
Twitter
Share on email
Email
Share on print
Print


Човек платил 28 милиони долари за место во ракетата со која милијардерот Џеф Безос ќе лета во вселената. Идентитетот на лицето кое ја платило сумата за патување не е соопштено.

Почетната цена на билетот за место во ракетата „Њу Шепард“, односно во капсулата, изнесувала 4,8 милиони долари, но на крајот за достигна 28 милиони долари. Наддавањето завршило за само седум минути по почетокот на аукцијата, која се одржа преку телефонска врска.

Лансирањето е закажано за 20 јули и тоа ќе биде првата мисија на „Блу Ориџин“ во која луѓе ќе патуваат туристички во вселената. Капсулата е дизајнирана да носи 6 патници до работ на вселената, а за време на десетминутното патување, патниците ќе доживеат микрогравитација во период од три минути.

Основачот на „Блу Ориџин“ и директор на „Амазон“, Џеф Безос, кој е најбогатиот човек во светот се натпреварува со милијардерите Ричард Бренсон и Илон Маск, за тоа кој прв ќе отпатува во вселената.

„Спејс Екс“ на Илон Маск веќе има успешни летови во вселената, но засега само владини космонаути имаат учествувано во мисија, односно пат до Меѓународната вселенска станица.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи