Почнувајќи од ноќеска по полноќ сите државјани на Србија кои со автомобил ќе поминат низ граничниот премин Табановце на пат кон Грција ќе добијат М-Смарт картички за плаќање на патарините.
На доделените картички има кредит од 760 денари колку што треба за поминување на коридорот 10 во двата правци. Изработени се околу 65 илјади картички и предадени на МВР кои ќе ги издава на „Табановце“.
Првата тура од 65.000 картички веќе се доделени на МВР. Вкупно е предвидено изработување на 200.000 картички, кои ќе се изработуваат етапно.
Граѓаните на Србија ќе ги задржат тие картички и понатаму за секој влез во нашата земја ќе можат да ги надополнуваат со кредит од најмалку 300 денари преку системот e-Сard.
Владата ја донесе оваа одлука во знак на благодарност за донациите од вакцини на Србија за нашите граѓани, како и поради бесплатните вакцинирање во Србија. Оваа одлука на владата ќе важи до 15 август.
