Спасовски: Бонус плата за вработените во МВР за прекувремена работа

Share on facebook
Facebook
Share on twitter
Twitter
Share on email
Email
Share on print
Print


Министерот Оливер Спасовски објави дека денеска на 4.471 вработени во Министерството за внатрешни работи, кои оствариле над 150 часови прекувремена работа во текот на 2020 година, ќе им биде исплатена бонус платата во поединечен нето износ од 27.182 денари.

„За оваа намена од буџетот на МВР издвоивме 121.530.722 денари, односно 135.033.142 денариво вкупен бруто износ со вклучен данок, средства плански обезбедени и најавени уште во декември 2020. Ова е резултат на заложбите на ова раководство на МВР за подигање на социјалниот статус на полициските службеници, покрај севкупното подобрување на професионалните услови за работа, поаѓајќи од фактот дека само задоволна полиција претставува ефикасен сервис на граѓаните,работи со полн капацитет и легитимитет и испорачува резултати во активностите за справување со криминалот“, напиша Спасовски.

Тој истакна дека со исплатените бонус плати за 2017, 2018, 2019 и оваа, за 2020 година, вработените во МВР знаат дека нивниот труд и пожртвуваноста се вреднуваат и наградуваат, нешто што претходно претставувало невозможна мисија.

„Продолжувајќи со силна мотивираност да ги градиме севкупните капацитети на МВР, одговорно тврдам дека во наредниот период со уште поголема енергија ќе се посветиме на воспоставување на европски стандарди во полицијата за да можеме да претендираме на уште подобри резултати во работењето, во полза на сите граѓани на Република Македонија“, напиша Спасовски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи