Црвен крст: Дарувај крв и придонеси светот да продолжи да се движи

Share on facebook
Facebook
Share on twitter
Twitter
Share on email
Email
Share on print
Print


Црвениот крст по повод Светскиот ден на крводарителството се приклучи кон глобалната кампања за промоција на крводарителството под мотото „Дарувај крв и придонеси светот да продолжи да се движи“.

Заедно со Институтот за трансфузиска медицина денеска им додели плакети на министерствата за здравство, за внатрешни работи и за одбрана во знак на благодарност за досегашната соработка, кои ги примија првите луѓе на овие институции министрите Венко Филипче, Оливер Спасовски и Радмила Шекеринска Јанковска.

Генералниот секретар на Црвениот крст, Саит Саити истакна дека во светот годишно се собираат 118 милиони крвни единици и доколку пет отсто од вкупното светско население би дарувале крв, тогаш сигурно би биле обезбедени потребните количества во светски рамки.

„Пристапот до безбедна крв за сите оние кои имаат потреба и натаму останува највисок императив на земјите во светот, па и кај нас. Во текот на пандемијата со КОВИД-19 и покрај ограничената мобилност и другите предизвици кои таа ги донесе, дарителите на крв продолжија да даруваат крв и плазма за пациенти на кои им е потребна трансфузија. Овој извонреден напор за време на пандемија, ја нагласува клучната улога на добро организираните, посветени, доброволни и неплатени дарители во процесот на снабдување со крв во тековни и вонредни околности“, велат од Црвен крст.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи